Arolwg Astudiaeth CYHOEDDUS

04 Awst 2026

Oes gennych chi arthritis llidiol? Rhannwch eich dealltwriaeth o ddefnyddio deallusrwydd artiffisial mewn ymchwil glinigol, biofancio a setiau data meddygol drwy'r arolwg sy'n cael ei gynnal gan Brifysgol Newcastle

Cymerwch ran yn yr arolwg

Cwblhewch yr arolwg am gyfle i ennill taleb gwerth £20! Gadewch eich cyfeiriad e-bost ar y diwedd i gymryd rhan yn y raffl.

Mae'n debyg y bydd yr arolwg yn cymryd 10 – 15 munud i'w gwblhau a bydd yn cau ganol mis Hydref 2026

Mae PUBLIC yn astudiaeth sy'n casglu barn gan bobl ledled y DU ynglŷn â sut mae eu data iechyd yn cael ei ddefnyddio mewn ymchwil feddygol. Rydym am ddeall beth yw eich barn am storio samplau biolegol (fel gwaed) mewn "biofanciau", gan ddefnyddio gwybodaeth o'ch cofnodion meddygol, a rôl technoleg gyfrifiadurol newydd o'r enw Deallusrwydd Artiffisial (AI) mewn gofal iechyd ac ymchwil. Mae hyn yn arbennig o bwysig i'r rhai sydd â chyflyrau parhaus fel arthritis llidiol. Bydd eich barn yn helpu i lunio rheolau a strategaethau'r dyfodol i sicrhau bod ymchwil feddygol yn cael ei gwneud mewn ffordd y mae pawb yn ymddiried ynddi. Mae gennym ddiddordeb hefyd yn sut y gallai pethau fel eich cefndir effeithio ar y barnau hyn. Gall eich cyfranogiad helpu i arwain ymchwilwyr a llunwyr polisi i drin data iechyd yn gyfrifol.
Dr Chao Dong, Prifysgol Newcastle

Pwy all gymryd rhan

Rydych wedi cael gwahoddiad i gymryd rhan yn yr arolwg hwn gan eich bod yn 18 oed neu'n hŷn, ac yn byw yn y DU. Efallai bod gennych un neu fwy o ddiagnosisau o gyflyrau hunanimiwn a restrir isod.

Os penderfynwch gymryd rhan, gofynnir i chi roi rhagor o wybodaeth amdanoch chi'ch hun inni, fel eich oedran, rhyw ac ethnigrwydd. Mae hyn er mwyn iddynt allu cynnwys ystod eang o bobl yn yr ymchwil.

Gallech hefyd gymryd rhan mewn cyfweliad yn ddiweddarach ar gyfer yr astudiaeth ymchwil hon. Mae'r arolwg yn gofyn i chi adael eich cyfeiriad e-bost os oes gennych ddiddordeb mewn cael eich cysylltu.

 

Rydych chi wedi cael diagnosis o un neu fwy o gyflyrau llidiol hunanimiwn sy'n effeithio ar eich perfedd, croen, cymalau neu afu. Gall hyn gynnwys (ond nid yw'n gyfyngedig i):

  • Clefyd llidiol y coluddyn (colitis briwiol, clefyd Crohn,
    IBD heb ei ddosbarthu, colitis microsgopig)
  • Arthritis gwynegol
  • Spondyloarthritis (spondylitis ancylosing,
    spondyloarthritis ymylol, spondyloarthritis echelinol)
  • Soriasis
  • Ecsema
  • Hidradenitis suppurativa
  • Hepatitis hunanimiwn
  • Sirosis biliaidd cynradd
  • Cholangitis sglerosol cynradd
Cymerwch ran yn yr arolwg

Cwblhewch yr arolwg am gyfle i ennill taleb gwerth £20! Gadewch eich cyfeiriad e-bost ar y diwedd i gymryd rhan yn y raffl.

Mae'n debyg y bydd yr arolwg yn cymryd 10 – 15 munud i'w gwblhau a bydd yn cau ganol mis Hydref 2026

Pwy sy'n cynnal yr astudiaeth?

Cynhelir yr astudiaeth hon gan Dr Chao Dong, sy'n feddyg ac yn fyfyrwraig PhD ym Mhrifysgol Newcastle. Ariennir ei hastudiaeth gan Ganolfan Ymchwil Fiofeddygol Newcastle NIHR.

Bydd canfyddiadau'r ymchwil yn cael eu hysgrifennu a'u rhannu. Bydd hyn yn rhan o draethawd ymchwil PhD a'i rannu mewn cyhoeddiadau academaidd, cyflwyniadau cynadleddau, a gellir ei gyhoeddi ar wefannau fel gwefan Canolfan Ymchwil Fiofeddygol Newcastle (BRC) NIHR neu ar gyfryngau cymdeithasol. Bydd hyn yn helpu ein hymchwil i gael y cyrhaeddiad a'r effaith ehangaf. Ni fydd modd eich adnabod o'r canfyddiadau.

Os penderfynwch gymryd rhan mewn cyfweliad, bydd unrhyw ddyfyniadau uniongyrchol a gymerir o'ch cyfweliad yn cael eu gwneud yn ddienw.

Mae'r astudiaeth wedi'i chynllunio i redeg tan fis Ebrill 2028.

Os hoffech chi gael gwybod mwy, anfonwch e-bost at: chaonan.dong2@newcastle.ac.uk.